Næring
Kalk
Um 99% af kalki líkamans er geymt í beinum og tönnum
Kalk er steinefni sem gegnir lykilhlutverki í uppbyggingu og viðhaldi sterkra beina og tanna. Um 99% af kalki líkamans er bundið í beinum, þar sem það stuðlar að styrk þeirra og stöðugleika. Auk þess tekur kalk þátt í ýmsum mikilvægum ferlum í líkamanum, þar á meðal vöðvasamdrætti, starfsemi taugakerfisins og blóðstorknun.
Rannsóknir sýna að þegar ráðlagður dagskammtur af kalki er uppfylltur, sérstaklega samhliða nægilegu D-vítamíni, getur það stuðlað að auknum beinmassa og bættri beinþéttni. Þetta er sérstaklega mikilvægt til að viðhalda góðri beinheilsu og draga úr hættu á beinþynningu og beinbrotum síðar á ævinni.
Ráðlagður dagskammtur (RDS) af kalki
Ráðlagður dagskammtur (RDS) af kalki er það magn sem flestir þurfa daglega til að viðhalda góðri beinheilsu. Þörfin getur verið mismunandi eftir aldri.
| Börn undir 6 mánaða | 120 mg |
|---|---|
| Börn 7-11 mánaða | 310 mg |
| Börn 1-3 ára | 450 mg |
| Börn 4-10 ára | 800 mg |
| Unglingar 11-17 ára | 1 150 mg |
| Ungmenni 18-24 ára | 1 000 mg |
| Fullorðnir 25 ára og eldri | 950 mg |
Hvar finnst það?
Hvaða matvæli eru rík af kalki?
Æskilegt er að fá kalk fyrst og fremst úr fæðu fremur en bætiefnum. Hér eru helstu uppsprettur kalks í fæðu:
Mjólk og mjólkurvörur
Ostar
Sardínur og harðfiskur
Tófú og aðrar sojavörur
Heilkorn
Hnetur og fræ
Kalkbætt jurtamjólk
Baunir og linsur
Meira er ekki alltaf betra
Of mikið kalk getur valdið aukinni áhættu á nýrnasteinum og kalkútfellingum í mjúkvefjum.
Hámarkskalkneysla er 2500 mg á dag, og ekki er mælt með að fara yfir það.